Fréttir

12. apríl 2019 12:39

Afkoma Íslenska lífeyrissjóðsins á árinu 2018

Rekstur Íslenska lífeyrissjóðsins gekk vel á árinu 2018. Sjóðurinn hélt áfram að vaxa og sjóðsfélögum að fjölga. Ávöxtun á árinu 2018 endurspeglaði þróun á mörkuðum en nafnávöxtun deilda sjóðsins var á bilinu 3,6 til 5,1%. Hrein raunávöxtun samtryggingardeildar var 1,1%. Meðalatal hreinnar raunávöxtunar samtryggingardeildar sl. fimm ár var 4,7% og 4,1% sl. tíu ár. Hrein raunávöxtun Líf I, sem er stærsta séreignardeild sjóðsins, var 0,4% á árinu 2018. Meðaltal hreinnar raunávöxtunar í Líf I sl. fimm ár var 4,6% og 5,3% sl. tíu ár.

Hrein eign til greiðslu lífeyris hækkar

Hrein eign til greiðslu lífeyris var 80,4 milljarðar króna í lok árs 2018 og hafði vaxið um 9,7 milljarða króna frá fyrra ári en það samsvarar 13,7% vexti á árinu.

Fjölgun sjóðsfélaga

Virkum sjóðsfélögum, þ.e. einstaklingum sem að jafnaði greiða mánaðarleg iðgjöld til sjóðsins, hélt áfram að fjölga og voru þeir 15.524 í árslok 2018 samanborið við 13.245 í árslok 2017. Það samsvarar 15,2% fjölgun á árinu. Í lok árs 2018 áttu 37.265 sjóðsfélagar réttindi í sjóðnum og hafði þeim fjölgað um 2.464 á árinu. Fjöldi virkra lífeyrisþega var 531 talsins ár árinu 2018 samanborið við 454 á árinu 2017.

Iðgjöld

Iðgjöld sjóðfélaga á árinu 2018 námu 8,9 milljörðum króna samanborið við 7,4 milljarða króna á árinu 2017 sem er 20,3% hækkun á milli ára.

Lífeyrisgreiðslur og greiðslur inn á lán

Lífeyrisgreiðslur á árinu 2018 námu 911 milljónum króna samanborið við 776 milljónir króna árið 2017. Á árinu 2018 greiddu 2.279 sjóðfélagar samtals 1,4 milljarða króna inn á fasteignalán.

Tryggingafræðileg staða

Tryggingafræðileg staða samtryggingardeildar versnaði frá fyrra ári en í lok árs 2018 voru heildareignir deildarinnar 1,9% lægri en heildarskuldbindingar.

Sjálfstæður lífeyrissjóður

Íslenski lífeyrissjóðurinn er sjálfstæður lífeyrissjóður sem starfar skv. lögum um lífeyrissjóði og er undir eftirliti Fjármálaeftirlitsins. Á síðasta ári var samþykktum sjóðsins breytt á þann veg að frá og með næsta ársfundi eru allir fimm stjórnarnmenn kosnir af sjóðsfélögum.

Ársfundur 2019

Ársfundur Íslenska lífeyrissjóðsins verður haldinn föstudaginn 3. maí kl. 17.00 í aðalútibúi Landsbankans Austurstræti 11.

Ársreikningur Íslenska lífeyrissjóðsins


18. júní 2019 14:54

Umræðan: Fleiri góð ráð um kortanotkun í útlöndum

Greiðslukortasérfræðingur hjá Landsbankanum mælir með því að fólk greiði með snertilausum hætti, annað hvort með Apple Pay, kortaappinu eða með því að nota snertilausa virkni greiðslukorta. Þannig minnki hætta á að óviðkomandi sjái PIN-númerið.


Nánar

11. júní 2019 13:36

Umræðan: Viðskiptavinir Landsbankans tóku Apple Pay fagnandi

Apple Pay fór fyrst í loftið í Bandaríkjunum í október 2014. Fyrir um einum mánuði, í byrjun maí 2019, þegar Landsbankinn og Arion banki buðu viðskiptavinum sínum að nota lausnina, varð Ísland 38. Apple Pay-landið. En hvað er Apple Pay og af hverju var lausnin svo lengi að ná Íslandsströndum?


Nánar

25. júní 2019 09:21

Hagsjá: Hófleg hækkun launavísitölunnar vegna kjarasamninga - kaupmáttur enn stöðugur

Samkvæmt tölum Hagstofu Íslands hækkaði launavísitalan um 0,7% milli apríl og maí. Breytingin á ársgrundvelli var 5,1% sem er minnsta ársbreyting frá apríl 2014. Samanlögð hækkun launavísitölunnar í apríl og maí var 2,2% og má ætla að þar sé um að ræða ágæta mælingu á upphafsáhrifum nýgerðra kjarasamninga á almenna vinnumarkaðnum.


Nánar