Fréttir

15. maí 2018 11:14

Nína og Sigrún taka við störfum sem útibússtjórar

Nína Guðbjörg Pálsdóttir og Sigrún Sæmundsdóttir munu í byrjun júlí taka við stjórn útibúa Landsbankans á Selfossi annars vegar og í Hamraborg í Kópavogi hins vegar. Báðar hafa þær mikla reynslu af störfum í fjármálaþjónustu.

Nína tekur við starfi útibússtjóra á Selfossi af Gunnlaugi Sveinssyni sem lætur af störfum fyrir aldurs sakir. Nína hefur starfað í Landsbankanum í 31 ár. Frá 2004 til 2010 var hún útibússtjóri á Selfossi en frá 2011 til 2018 var hún forstöðumaður á Einstaklingssviði Landsbankans og síðan sérfræðingur í Áhættustýringu.

Sigrún Sæmundsdóttir tekur við stjórn útibús Landsbankans í Hamraborg af Guðrúnu Ægisdóttur sem mun hefja störf í viðskiptalausnum á Einstaklingssviði bankans. Sigrún hefur rúmlega 20 ára reynslu af bankastörfum. Hún hefur unnið í 15 ár hjá Landsbankanum sem sérfræðingur, deildarstjóri og forstöðumaður, m.a. á Einstaklingssviði. Sigrún lauk námi í iðnrekstrarfræði frá Tækniskóla Íslands árið 1996 og B.Sc. prófi í viðskiptafræði frá Háskólanum í Reykjavík árið 2006.

 

25. maí 2018 10:56

Umræðan: Ný persónuverndarlöggjöf tekur gildi í ríkjum Evrópusambandsins

Ný persónuverndarlöggjöf hefur tekið gildi í ríkjum Evrópusambandsins. Nýju lögin taka ekki gildi á Íslandi fyrr en Alþingi hefur samþykkt ný lög um persónuvernd og með því innleitt reglugerðina inn í íslenskan rétt.


Nánar

23. maí 2018 13:29

Umræðan: Leikmennirnir bara helmingur HM hópsins

Fæstir gera sér grein fyrir því að leikmennirnir 23 í landsliðshópnum eru ekki nema tæpur helmingur þeirra sem fara til Rússlands í sumar. Liðinu fylgja sjúkraþjálfarar, kokkar, umsjónarmenn búninga og hafurtasks og alls konar hjálparhellur aðrar.


Nánar

22. maí 2018 12:02

Opið fyrir umsóknir um styrki úr Gleðigöngupotti

Opnað hefur verið fyrir umsóknir um styrki úr Gleðigöngupotti Hinsegin daga og Landsbankans. Gleðigöngupottinum er ætlað að styðja einstaklinga og hópa til þátttöku í Gleðigöngu Hinsegin daga sem fer fram 11. ágúst nk.


Nánar